28 ივლისს, სასტუმროში „ქორთიარდ მარიოტი თბილისი“ ლევან მიქელაძის სახელობის ფონდის ორგანიზებით გაიმართა პროექტის „ეროვნული კონვენცია ევროკავშირზე საქართველოში“ დასკვნითი ღონისძიება.
პლენარული სესია გახსნეს სლოვაკეთის რესპუბლიკის ელჩმა საქართველოში, ბ-ნმა პაველ ვიზდალმა, სლოვაკეთის საგარეო პოლიტიკის ასოციაციის კვლევის ცენტრის დირექტორმა, ბ-ნმა ტომაშ სტრაზაი, და ლევან მიქელაძის სახელობის ფონდის აღმასრულებელმა დირექტორმა, ბ-ნმა არჩილ გეგეშიძემ.
სესია შედგებოდა ორი პანელისგან. პირველ პანელზე განიხილეს საქართველოს მომავალი ევროკავშირის ჭრილში. პანელის განმავლობაში სიტყვით გამოვიდნენ ჩეხეთის რესპუბლიკის ელჩი საქართველოში, ბ-ნი პეტრ მიკისკა და სლოვაკეთის საგარეო პოლიტიკის ასოციაციის კვლევის ცენტრის დირექტორი, ბ-ნი ტომაშ სტრაზაი. ასევე საქართველოს პროგრესული ფორუმის თავმჯდომარემ, ბ-ნმა დიმიტრი ცქიტიშვილმა გააკეთა აღნიშნული პროექტის ფარგლებში მომზადებული კონცეპტუალური დოკუმენტის „საქართველოს საგარეო კომუნიკაციის სტრატეგია: დიდი სტრატეგია და მორგებული მიდგომები“ პრეზენტაცია. მან ისაუბრა ძირითად მიგნებებზე და რეკომენდაციებზე.
მეორე პანელი დაეთმო საქართველოს ენერგეტიკული უსაფრთხოების საკითხს. საქართველოს ეკონომიკისა და მდგრადი განვითარების სამინისტროსთან არსებული ენერგოეფექტურობისა, განახლებადი ენერგეტიკის პოლიტიკისა და მდგრადი განვითარების დეპარტამენტის წარმომადგენელმა, ქ-ნმა მარიამ დარჩიამ ისაუბრა საქართველოს ენერგეტიკული უსაფრთხოების საკვანძო საკითხებზე. ანალიტიკური ცენტრის - „მსოფლიო გამოცდილება საქართველოსთვის“- ექსპერტმა ენერგეტიკის დარგში, ქ-ნმა ნატალია შათირიშვილმა ისაუბრა მის კოლეგასთან, ბ-ნი გიორგი მუხიგულიშვილთან ერთად შემუშავებულ კონცეპტუალურ დოკუმენტზე „ ენერგეტიკული უსაფრთხოების რაოდენობრივი შეფასება ინსტიტუციური და საკანონმდებლო ჩარჩო.“ დოკუმენტი მომზადდა აღნიშნული პროექტის ფარგლებში და მის მომზადებაში წვლილი შეიტანეს სლოვაკმა ექსპერტებმა ენერგეტიკის დარგში - ქ-ნმა ვერონიკა ორავცოვამ და ბ-ნმა ალექსანდერ დულებამ.
სესიას მოდერაციას უწევდა ქალბატონი თამარ ბერუჩაშვილი - საერთაშორისო საზღვაო ორგანიზაციის მუდმივი წარმომადგენელი, საქართველოს ყოფილი საგარეო საქმეთა მინისტრი და საგანგებო და სრულუფლებიანი ელჩი დიდ ბრიტანეთსა და ჩრდილოეთ ირლანდიის გაერთიანებულ სამეფოში.
ღონისძიებას ესწრებოდნენ როგორც სამთავრობო და არასამთავრობო სექტორის წარმომადგენლები, ასევე შესაბამისი სფეროს ექსპერტები, ევროკავშირის წევრი სახელმწიფოების დიპლომატიური მისიების თანამშრომლები.
პროექტი განხორციელდა სლოვაკეთის საგარეო პოლიტიკის ასოციაციის კვლევით ცენტრთან თანამშრომლობითა და SlovakAid-ისა და ებერტის ფონდის ფინანსური მხარდაჭერით.
ლევან მიქელაძის ფონდი სლოვაკეთის საგარეო პოლიტიკის ასოციაციის კვლევის ცენტრთან (SFPA) თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid-ისა და ფრიდრიხ ებერტის ფონდი. პროექტის ფარგლებში, 2022 წლის 15 ივლისს, საინფორმაციო ცენტრში ნატოსა და ევროკავშირის შესახებ გაიმართა საგარეო კომუნიკაციაზე მომუშავე ექსპერტთა ჯგუფის მესამე შეხვედრა. მას ესწრებოდნენ დარგის ექსპერტები, საქართველოს საგარეო საქმეთა სამინისტროს და არასამთავრობო ორგანიზაციების წარმომადგენლები.
შეხვედრაზე განიხილეს ადგილობრივი და სლოვაკი ექსპერტების მიერ საქართველოს საგარეო კომუნიკაციების საკითხები. საკონსულტაციო კომპანიის „ეგერია სოლუშენს“ დამფუძნებელმა პარტნიორმა, თამარ ხულორდავამ, ისაუბრა თემაზე „ საგარეო კომუნიკაცია როგორც წარმატებული საგარეო პოლიტიკა.“ ქართველმა ექსპერტმა, დიმიტრი ცქიტიშვილმა, განიხილა საგარეო კომუნიკაციის მნიშვნელობა. ასევე, ილაპარაკა მის მიერ დაწერილი კონცეპტუალური დოკუმენტის „საქართველოს საგარეო კომუნიკაციის სტრატეგია“ შესახებ. სლოვაკმა ექსპერტმა, ონდრეი გაზოვიჩმა, გაუზიარა მონაწილეებს სლოვაკეთის გამოცდილება საგარეო კომუნიკაციის საკითხში, კერძოდ, ევროკავშირთან საგარეო კომუნიკაციის შესახებ.
შეხვედრას მოდერაცია გაუწია ღია საზოგადოების ფონდის საქართველოს ევროკავშირში ინტეგრაციის პროგრამის მენეჯერმა, ივანე ჩხიკვაძემ.
ლევან მიქელაძის სახელობის ფონდი სლოვაკეთის საგარეო პოლიტიკის ასოციაციის (SFPA) კვლევით ცენტრთან თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid და „ფრიდრიხ ებერტის ფონდი.”
პროექტის ფარგლებში 22 ივნისს, საქართველოს ეკონომიკისა და მდგრადი განვითარების სამინისტროში გაიმართა ენერგოუსაფრთხოების საკითხზე მომუშავე ექსპერტთა ჯგუფის მეხუთე შეხვედრა. მას ესწრებოდნენ დარგის ექსპერტები, ეკონომიკისა და მდგრადი განვითარების სამინისტროს წარმომადგენლები.
შეხვედრაზე განიხილეს ადგილობრივი და სლოვაკი ექსპერტების მიერ ენერგოუსაფრთხოების საკითხებზე მომზადებული თემები. ქართველმა ექსპერტებმა, ნატალია შათირიშვილმა და გიორგი მუხიგულიშვილმა ისაუბრეს თემაზე „ევროპის მწვანე შეთანხმება და ენერგო უსაფრთხოება.“ ხოლო, ვერონიკა ორავცოვამ განიხილა ენერგო უსაფრთხოება სლოვაკეთში ევროპის მწვანე შეთანხმების ჭრილში.
შეხვედრას მოდერაცია გაუწიეს საქართველოს ეკონომიკისა და მდგრადი განვითარების სამინისტროსთან არსებული ენერგოეფექტურობის, განახლებადი ენერგეტიკის პოლიტიკისა და მდგრადი განვითარების დეპარტამენტის უფროსმა, მარგალიტა არაბიძემ და ანალიტიკური ცენტრის - "მსოფლიო გამოცდილება საქართველოსთვის" (WEG) ენერგეტიკის დარგში ექსპერტმა, გიორგი მუხიგულიშვილმა.
ლევან მიქელაძის სახელობის ფონდი სლოვაკეთის საგარეო პოლიტიკის ასოციაციის (SFPA) კვლევით ცენტრთან თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid და „ფრიდრიხ ებერტის ფონდი.”
პროექტის ფარგლებში 21 ივნისს, ახალგაზრდობის სააგენტოში გაიმართა ახალგაზრდულ პოლიტიკის საკითხებზე მომუშავე ექსპერტთა ჯგუფის დასკვნითი შეხვედრა. მას ესწრებოდნენ დარგის ექსპერტები, ახალგაზრდობის სააგენტოს და არასამთავრობო ორგანიზაციების წარმომადგენლები.
შეხვედრაზე განიხილეს ადგილობრივი და სლოვაკი ექსპერტების მიერ ახალგაზრდული პოლიტიკის საკითხებზე მომზადებული თემები. ქართველმა ექსპერტმა, მარინა ჟვანიამ, გააკეთა 2 კონცეპტუალური დოკუმენტის პრეზენტაცია, რომლებიც ეხებოდა შემდეგ საკითხებს: საქართველოში ახალგაზრდების მუშაობის ხარისხის განვითარების უზრუნველყოფა და ახალგაზრდების მუშაობით შეძენილი უნარების აღიარებისა და დადასტურების სისტემის შემუშავება საქართველოში. სლოვაკმა ექსპერტმა, ივანა ულიცნამ განიხილა ინოვაციების დანერგვის მექანიზმი სახელმწიფო განათლების სისტემაში.
პრეზენტაციების შემდეგ გაიმართა დისკუსია. შეხვედრას მოდერაცია გაუწია „ეგერის სოლუშენს“ პარტნიორმა, ქალბატონმა ირინა ფრუიძემ.
ლევან მიქელაძის სახელობის ფონდი სლოვაკეთის საგარეო პოლიტიკის ასოციაციის (SFPA) კვლევით ცენტრთან თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid და „ფრიდრიხ ებერტის ფონდი.”
პროექტის ფარგლებში 31 მაისს, ახალგაზრდობის სააგენტოში გაიმართა ახალგაზრდულ პოლიტიკის საკითხებზე მომუშავე ექსპერტთა ჯგუფის რიგით მესამე შეხვედრა. მას ესწრებოდნენ დარგის ექსპერტები, ახალგაზრდობის სააგენტოს და არასამთავრობო ორგანიზაციების წარმომადგენლები.
შეხვედრაზე განიხილეს ადგილობრივი და სლოვაკი ექსპერტების მიერ ახალგაზრდული პოლიტიკის საკითხებზე მომზადებული თემები. ქართველმა ექსპერტმა, მარინა ჟვანიამ, გააკეთა დოკუმენტის პრეზენტაცია თემაზე: ახალგაზრდული მუშაობით შეძენილი უნარების აღიარებისა და დადასტურების სისტემის შემუშავება საქართველოში. სლოვაკმა ექსპერტმა, ივანა ულიცნამ განიხილა სლოვაკეთში არსებული პრაქტიკა არაფორმალური გზით ახალგაზრდების უნარების აღიარების შესახებ.
პრეზენტაციების შემდეგ გაიმართა დისკუსია. შეხვედრას მოდერაცია გაუწია „ეგერის სოლუშენს“ პარტნიორმა, ქალბატონმა ირინა ფრუიძემ.
ლევან მიქელაძის ფონდი სლოვაკეთის საგარეო პოლიტიკის ასოციაციის (SFPA) კვლევის ცენტრთან თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid-ისა და ფრიდრიხ ებერტის ფონდი.
პროექტის ფარგლებში, 2022 წლის 19 მაისს, სასტუმროში „ჰილტონ გარდენ ინნ თბილისი ჭავჭავაძე“ გაიმართა საგარეო კომუნიკაციაზე მომუშავე ექსპერტთა ჯგუფის მეორე შეხვედრა. მას ესწრებოდნენ დარგის ექსპერტები, საქართველოს საგარეო საქმეთა სამინისტროს და არასამთავრობო ორგანიზაციების წარმომადგენლები.
შეხვედრაზე განიხილეს ადგილობრივი და სლოვაკი ექსპერტების მიერ მომზადებული კონცეპტუალური დოკუმენტი საგარეო კომუნიკაციის შესახებ. ქართველმა ექსპერტმა, დიმიტრი ცქიტიშვილმა, ისაუბრა საქართველოს საგარეო კომუნიკაციის სტრატეგიის კონცეფციაზე. ასევე სლოვაკმა ექსპერტმა, ონდრეი გაზოვიჩმა, გაუზიარა მონაწილეებს თავისი მოსაზრებები და კომენტარები აღნიშნულ დოკუმენტთან დაკავშირებით.
პრეზენტაციის შემდეგ გაიმართა დისკუსია.
შეხვედრას მოდერაცია გაუწია ღია საზოგადოების ფონდის საქართველოს ევროკავშირში ინტეგრაციის პროგრამის მენეჯერმა, ივანე ჩხიკვაძემ.
26 აპრილს, საქართველოს ახალგაზრდობის სააგენტოს ხელმძღვანელის მოადგილე, ვახტანგ ბააკაშვილი, ახალგაზრდული პოლიტიკის ექსპერტი, მარინა ჟვანია, და ლევან მიქელაძის სახელობის ფონდის პროექტის ასისტენტი, თამთა დარსალია, სასწავლო ვიზიტით გაემგზავრნენ ბრატისლავაში, სლოვაკეთის რესპუბლიკა. სასწავლო ვიზიტი ხორციელდება „ეროვნული კონვენცია ევროკავშირზე საქართველოში“ პროექტის ფარგლებში.
სასწავლო ვიზიტის მიზანი იყო ახალგაზრდული პოლიტიკის საკითხებზე მომუშავე სახელწმიფო უწყებების, ინსტიტუტების და არასამთავრობო ორგანიზაციების სამუშაო სისტემის და მათი გამოცდილების გაცნობა.
26 აპრილს, სასაწავლო ვიზიტი მონაწილეები შეხვდნენ სლოვაკეთის ახალგაზრდული საინფორმაციო-საკონსულტაციო ცენტრების ასოციაციის (ZIPCeM) და სლოვაკეთის სასწავლო ფირმების ცენტრეს (SCCF.) წარმომადგენლებს. შეხვედრებზე მონაწილეების გაეცნენ ახალგაზრდული ორგანიზაციების თანამშრომლობის სისტემას, ახალგაზრდების არაფორმალური განათლებისა და სამუშაო კვალიფიკაციის აღიარების მექანიზმებს.
27 აპრილს, გაიმართა შეხვედრები პონტისის ფონდთან და ინოვაციური პლატფორმის - „Impact Games” - წარმომადგენლებთან. პლატფორმის მიზანია ციფრული და სამაგიდო თამაშების განვითარება, რომლებიც დადებით გავლენას იქონიებს საზოგადოებაზე, პირველ რიგში, ახალგაზრდებზე. ამავე დღეს სასწავლო ტურის მონაწილეები ესტუმრნენ სლოვაკეთის ახალგაზრდულ საბჭოს.
28 აპრილს სასწავლო ვიზიტი გაგრძელდა შეხვედრებით სლოვაკეთის ახალგაზრდობის ინსტიტუტთან „IUVENTA” და სლოვაკეთის განათლების, მეცნიერების, კვლევისა და სპორტის სამინისტროს წარმომადგენელთან. შეხვედრებზე სლოვაკურმა მხარემ ქართველ მონაწილეებს გაუზიარა ცოდნა ახალგაზრდული პოლიტიკის სტრატეგიასთან დაკავშირებით.
სასწავლო ვიზიტის ბოლო დღეს, 29 აპრილს, ქართველ მონაწილეებს გამოცდილება გაუზიარეს სლოვაკეთის ახალგაზრდობის ცენტრმა „Youth of the Street” და „სლოვაკეთის ჯუნიორ ეჩივმენტის“ წარმომადგენლებს.
ლევან მიქელაძის სახელობის ფონდი სლოვაკეთის საგარეო პოლიტიკის ასოციაციის კვლევით ცენტრთან (SFPA) თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid და „ფრიდრიხ ებერტის ფონდი.”
ლევან მიქელაძის სახელობის ფონდი სლოვაკეთის საგარეო პოლიტიკის ასოციაციის (SFPA) კვლევით ცენტრთან თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid და „ფრიდრიხ ებერტის ფონდი.”
პროექტის ფარგლებში5 მაისს, ახალგაზრდობის სააგენტოში გაიმართა ახალგაზრდულ პოლიტიკის საკითხებზე მომუშავე ექსპერტთა ჯგუფის რიგით მეორე შეხვედრა. მას ესწრებოდნენ დარგის ექსპერტები, ახალგაზრდობის სააგენტოს და არასამთავრობო ორგანიზაციების წარმომადგენლები. შეხვედრა გახსნა ახალგაზრდული სააგენტოს ხელმძღვანელის მოადგილემ, ბატონმა ვახტანგ ბააკაშვილმა.
შეხვედრაზე განიხილეს ადგილობრივი და სლოვაკი ექსპერტების მიერ ახალგაზრდული პოლიტიკის საკითხებზე მომზადებული თემები. ქართველმა ექსპერტმა, მარინა ჟვანიამ, გააკეთა დოკუმენტის პრეზენტაცია თემაზე: ახალგაზრდული მუშაობის ხარისხის უზრუნველყოფა საქართველოში. სლოვაკმა ექსპერტმა, ივანა ულიცნამ განიხილა ორი საკითხი: 1 ახალგაზრდული მუშაობით შეძენილი უნარების აღიარება სლოვაკეთის რესპუბლიკაში; 2. ახალგაზრდული მუშაობის სამართავად სლოვაკეთში არსებული ციფრული პლატფორმები.
პრეზენტაციების შემდეგ გაიმართა დისკუსია. შეხვედრას მოდერაცია გაუწია „ეგერის სოლუშენს“ პარტნიორმა, ქალბატონმა ირინა ფრუიძემ. შეხვედრის მიმდინარეობისას მონაწილეებს მიმართა ახალგაზრდული სააგენტოს ხელმძღვანელის მოადგილემ, ბატონმა ვახტანგ ბააკიშვილმა.
