2019 წლის 11 ივნისს ლევან მიქელაძის სახელობის ფონდის ეგიდით გაიმართა ღონისძიება, სადაც ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობებისა და საზოგადოებრივი გეოგრაფიის ფაკულტეტების სტუდენტებს გადაეცათ ლევან მიქელაძის სახელობის პრემია

18 ივნისს გაიმართა პროექტის "საქართველოს მომავალი" ფარგლებში მომზადებული მორიგი პუბლიკაციის "დაუსრულებელი მცდელობა: საქართველო ევროპაში საკუთარი ალაგის ძიებაში" პრეზენტაცია.
პრეზენტაციის მომხსენებელი გახლდათ პუბლიკაციის ავტორი, იურისტი და გამომცემლობა "მელანის" დამფუძნებელი ნინო ლეჟავა. შეხვედრის მოდერატორი იყო ლევან მიქელაძის სახელობის ფონდის აღმასრულებელი დირექტორი არჩილ გეგეშიძე.
პრეზენტაციას დაესწრნენ თბილისში მდებარე არასამთავრობო ორგანიზაციებისა და სხვადასხვა უმაღლესი საგანმანათლებლო ინსტიტუციის წარმომადგენლები.
შეგახსენებთ, რომ პროექტი "საქართველოს მომავალი" ხორციელდება შვედეთის მთავრობის ფინანსური მხარდაჭერითა და კარნეგი ევროპასთან თანამშრომლობით და მიზნად ისახავს ქართულ საზოგადოებაში მომხდარი სოციალური ტრანფორმაციების ანალიზსა და საჯარო სივრცეებში დისკუსიის ხელშეწყობას.
ქართულენოვანი სტატია შეგიძლიათ იხილოთ შემდეგ ბმულზე http://mikeladzefoundation.org/.../1619183191_nino...

ლევან მიქელაძის სახელობის ფონდი სლოვაკეთის საგარეო პოლიტიკის ასოციაციის კვლევით ცენტრთან (SFPA) თანამშრომლობით ახორციელებს პროექტს „ეროვნული კონვენცია ევროკავშირზე საქართველოში.“ ფინანსურ მხარდაჭერას უზრუნველყოფს SlovakAid და „ფრიდრიხ ებერტის ფონდი.” პროექტის ძირითადი მიზანია, ხელი შეუწყოს პირდაპირი, გამჭირვალე და ღია დიალოგის წარმოებას სახელმწიფოსა და სამოქალაქო საზოგადოებას შორის, მათ უზრუნველყოფას სხვადასხვა დარგის ექსპერტების დასკვნებითა და უკუკავშირით. სასურველი შედეგის მისაღებად ჩამოყალიბდა სამი სამუშაო ჯგუფი შემდეგ მიმართულებებით: ენერგეტიკული უსაფრთხოება, საგარეო კომუნიკაციების სტრატეგია და ახალგაზრდული პოლიტიკა.
ამ მიზნით, 11 ივნისის, Zoom-ის პლატფორმაზე გაიმართა ენერგოუსაფრთხოების საკითხზე მომუშავე ექსპერტთა ჯგუფის რიგით პირველი შეხვედრა. მას ესწრებოდნენ დარგის ექსპერტები, ეკონომიკისა და მდგრადი განვითარების სამინისტროსა და არასამთავრობო ორგანიზაციების წარმომადგენლები. ღონისძიება გახსნეს ლევან მიქელაძის სახელობის ფონდის აღმასრულებელმა დირექტორმა არჩილ გეგეშიძემ და სლოვაკეთის საგარეო პოლიტიკის ასოციაციის კვლევითი ცენტრის პროექტების მენეჯერმა პიტერ ბრეზანმა.
შეხვედრაზე განიხილეს ადგილობრივი და სლოვაკი ექსპერტების მიერ ენერგოუსაფრთხოების საკითხებზე მომზადებული დოკუმენტები. პროექტის პირველ ეტაპზე ექსპერტებმა ისაუბრეს საქართველოსა და სლოვაკეთში არსებული ენერგოუსაფრთხოების პოლიტიკის არსზე, და გაუზიარეს დამსწრე საზოგადოებას ქვეყნების მიერ დაგროვილი გამოცდილება აღნიშნულ სფეროში.
პრეზენტაციების შემდეგ გაიმართა დისკუსია. შეხვედრას მოდერაცია გაუწიეს საქართველოს ეკონომიკისა და მდგრადი განვითარების სამინისტროსთან არსებული ენერგეტიკული რეფორმებისა და საერთაშორისო ურთიერთობების დეპარტამენტის უფროსის მოადგილემ, ქ-ნმა მარგალიტა არაბიძემ და ანალიტიკური ცენტრის - "მსოფლიო გამოცდილება საქართველოსთვის" (WEG) დირექტორმა და ენერგეტიკის დარგში ექსპერტმა, ბ-მა მურმან მარგველაშვილმა,.
მომდევნო შეხვედრებზე იგეგმება საქართველოს ენერგეტიკული უსაფრთხოების შეფასება წინასწარ განსაზღვრული ინდიკატორების გამოყენებით და რეკომენდაციების შემუშავება ეკონომიკისა და მდგრადი განვითარების სამინისტროსთვის.

4 ივნისს ლევან მიქელაძის სახელობის ფონდმა პროექტის ‘’საქართველოს მომავალი’’ ფარგლებში გამართა პუბლიკაციის ‘’ბრძოლა და მსხვერპლშეწირვა: საქართველოს უახლესი ისტორიის ნარატივები’’ პრეზენტაცია გორში. პუბლიკაცია მომზადდა ფონდის მიერ მოწვეული მკვლევრის, ქეთი სართანიას მიერ.
პრეზენტაციას დაესწრნენ ადგილობრივი თვითმმართველობისა და არასამთავრობო ორგანიზაციების წარმომადგენლები.
პროექტი ხორციელდება შვედეთის მთავრობის ფინანსური მხარდაჭერითა და „კარნეგი ევროპასთან“ თანამშრომლობით და მიზნად ისახავს ქართულ საზოგადოებაში სოციალური ტრანსფორმაციის ცალკეული ასპექტების სიღრმისეულ ანალიზსა და საჯარო სივრცეში დისკუსიის ხელშეწყობას.
ქართულენოვანი სტატია შეგიძლიათ იხილოთ შემდეგ ბმულზე http://mikeladzefoundation.org/.../1621345007_qethi...

ლევან მიქელაძის სახელობის ფონდი „კარნეგი ევროპა“-სთან პარტნიორობით ახორციელებს პროექტს „საქართველოს მომავალი,“ რომლის ფარგლებში მოწვეულმა მკვლევარებმა, ნათია ჭანკვეტაძემ და ქეთევან მურუსიძემ, მოამზადეს პუბლიკაცია სახელწოდებით „Re-examining the Radicalizing Narratives of Georgia’s Conflicts.” პროექტის ფინანსური მხარდამჭერია შვედეთის მთავრობა.
აღნიშნული სტატიის ელექტრონულ ვერსიის წასაკითხად გადადით შემდეგ ბმულზე:

ლევან მიქელაძის სახელობის ფონდი „კარნეგი ევროპა“-სთან პარტნიორობით ახორციელებს პროექტს „საქართველოს მომავალი,“ რომლის ფარგლებში მოწვეულმა მკვლევარმა, ქეთი სართანიამ, მოამზადა პუბლიკაცია სახელწოდებით „Struggle and Sacrifice: Narratives of Georgia’s Modern History.” პროექტის ფინანსური მხარდამჭერია შვედეთის მთავრობა.
აღნიშნული სტატიის ელექტრონულ ვერსიის წასაკითხად გადადით შემდეგ ბმულზე: https://carnegieeurope.eu/.../struggle-and-sacrifice...

2021 წლის 13 აპრილს გაიმართა პროექტის „საქართველოს მომავალი“ წარდგენა. პროექტს ერთობლივად ახორციელებენ „კარნეგი ევროპა“ და ლევან მიქელაძის სახელობის ფონდი. პროექტის ფინანსურ მხარდაჭერას უზრუნველყოფს შვედეთის მთავრობა. პროექტის მიზანია ქართულ საზოგადოებაში სოციალური ტრანსფორმაციის ცალკეული ასპექტების სიღრმისეული ანალიზი და საჯარო სივრცეში დისკუსიის ხელშეწყობა. ღონისძიება ვებინარის ფორმატში გაიმართა, სადაც მონაწილეობა მიიღეს „კარნეგი ევროპას“ უფროსმა მკვლევარმა ტომ დე ვაალმა, ლევან მიქელაძის ფონდის აღმასრულებელმა დირექტორმა არჩილ გეგეშიძემ, „კავკასიის კვლევითი რესურსების ცენტრის“ კვლევითი მიმართულების ხელმძღვანელის მოადგილემ დასტინ გილბრეთმა და პროექტის მოწვეულმა მკვლევარმა ნინო ლეჟავამ. ვებინარზე ორი პრეზენტაცია გაკეთდა: პირველი გახლდათ სპეციალურად პროექტის მიზნებისთვის განხორციელებული საზოგადოებრივი აზრის კვლევის შედეგები, ხოლო მეორე - ასევე პროექტის ფარგლებში შესრულებული ანალიტიკური სტატია „დაუსრულებელი მცდელობა: საქართველო ევროპაში საკუთარი ალაგის ძიებაში.“ სტატიის ძირითადი მიგნებების შესახებ თავად ავტორმა, ნინო ლეჟავამ, ისაუბრა. შემდგომში გაიხსნა დისკუსია, სადაც მსმენელებმა შეკითხვებით მიმართეს ვებინარის მონაწილეებს. სულ 100-ზე მეტი დაინტერესებული პირი იყო დარეგისტრირებული საქართველოდან, ევროპიდან და აშშ-დან. ღონისძიების ჩანაწერის ხილვა შეგიძლიათ ბმულზე: https://m.youtube.com/watch?v=fWZsO38k06E&list=WL...

ლევან მიქელაძის სახელობის ფონდი „კარნეგი ევროპა“-სთან პარტნიორობით ახორციელებს პროექტს „საქართველოს მომავალი,“ რომლის ფარგლებში მოწვეულმა მკვლევარმა, ნინო ლეჟავამ, მოამზადა პუბლიკაცია სახელწოდებით „Georgia’s Unfinished Search for Its Place in Europe.” პროექტის ფინანსური მხარდამჭერია შვედეთის მთავრობა.
აღნიშნული სტატიის ელექტრონულ ვერსიის წასაკითხად გადადით შემდეგ ბმულზე: http://mikeladzefoundation.org/.../1617794913_lejava...
სტატიის ქართულენოვანი ვერსია რამდენიმე დღეში განთავსდება ლევან მიქელაძის სახელობის ფონდის ვებგვერდზე: http://mikeladzefoundation.org/

2021 წლის 26 თებერვალს ლევან მიქელაძის სახელობის ფონდმა გამართა ვებინარი თემაზე „საქართველოს სამეზობლო: მიმდინარე მოვლენები და პროცესები.“ მსგავსი ღონისძიება ყოველწლიურად იმართება და ეძღვნება ლევან მიქელაძის ხსოვნას და დაბადების დღეს. წელს ეს ვებინარი მისი დაბადების 64-ე წლისთავის აღსანიშნად გაიმართა.
ვებინარი პანელური დისკუსიის ფორმატში შედგა, სადაც მოწვეულმა სპიკერებმა მიმოიხილეს საქართველოს მეზობელი ქვეყნებსა და, ზოგადად, რეგიონში მიმდინარე პროცესები, მათი გავლენა საქართველოს პოლიტიკურ და ეკონომიკურ ინტერესებზე. აღსანიშნავია, რომ გასული წლის შემოდგომაზე მთიანი ყარაბაღის ირგვლივ განვთარებულმა მოვლენებმა მნიშვნელოვნად შეცვალა რეგიონში არსებული ძალთა ბალანსი, ჩამოყალიბება დაიწყო ახალმა სტატუს-კვომ, რაც საქართველოსთვის რისკებთან ერთად შესაძლებლობებსაც აჩენს. გამოცდილმა მოწვეულმა სპიკერებმა, რომლებსაც თავიანთი ხანგრძლივი პროფესიული კარიერის მანძილზე უშუალოდ მოუწიათ რეგიონის ქვეყნებში დიპლომატიური საქმიანობა, აგრეთვე მათი საექსპერტო და აკადემიური კუთხით შესწავლა, საინტერესო დაკვირვება და ინფორმაცია გაუზიარეს მსმენელებს ყველა იმ აქტუალურ საკითხზე, რაც საქართველოს უსაფრთხოების გარემოს ადეკვატური შეფასებისთვის აუცილებელია. საერთო მოსაზრებით, რაც ამ დისკუსიაზე გამოიკვეთა, აუცილებელია მსგავს ან სხვა ფორმატებში სისტემატური მსჯელობის და აზრთა ურთიერთგაცვლის გაგრძელება. ლევან მიქელაძის ფონდი თავისი კომპეტენციისა და შესაძლებლობების ფარგლებში მზად არის ხელი შეუწყოს ამ პროცესს.

ლევან მიქელაძის სახელობის ფონდი ახორციელებს პროექტს „ვგეგმავთ ნაბიჯებს მშვიდობიანი მომავლისთვის“, რომლის ფარგლებში 28 იანვარს გაიმართა მეხუთე თემატური საექსპერტო დისკუსია. პროექტი ხორციელდება დემოკრატიის ეროვნული ფონდის (აშშ) ფინანსური მხარდაჭერით და მიზნად ისახავს კონფლიქტის მხარეებს - ქართველებს, აფხაზებსა და ოსებს - შორის ურთიერთობების ტრანსფორმაციის სხვადასხვა ასპექტის სიღრმისეულ გააზრებას და საერთო ხედვის შემუშავებას. შეხვედრას ესწრებოდნენ დარგის ექსპერტები და არასამთავრობო ორგანიზაციების წარმომადგენლები.
თემატური დისკუსიის ფარგლებში ლევან მიქელაძის სახელობის ფონდის მოწვეულმა მკვლევარმა, ვახტანგ ჭარაიამ, წარადგინა პოლიტიკის დოკუმენტი „საქართველოში არსებული კონფლიქტების ეკონომიკური საფასურ/არგუმენტი ტრანსფორმაციისთვის.“ მომხსენებელმა დისკუსიის მონაწილეებს მიაწოდა ინფორმაცია კონფლიქტების შედეგად მიღებული ეკონომიკური ზარალის, მათ შორის, ბიზნესის, სახელმწიფო სექტორის და იძულებით გადაადგილებული მოსახელობის დანაკარგების შესახებ. ასევე, განხილულ იქნა ტრანსფორმაციის საჭიროება ეკონომიკურ ჭრილში, გამოწვევების და სამომავლო პერსპექტივების ჩათვლით.
პოლიტიკის დოკუმენტის წარდგენის შემდეგ, გაიმართა დისკუსია. ექსპერტებმა და არასამათავრობო ორგანიზაციების წარმომადგენლებმა იმსჯელეს კონფლიქტების საფასურზე და არგუმენტებზე, რომელიც ამყარებს კონფლიქტების ტრანსფორმაციის საჭიროებას.
პროექტის ფარგლებში, საბოლოო ჯამში, ჩატარდა ხუთი თემატური დისკუსია. განხილულ იქნა საშინაო და საგარეო ფაქტორები, რომელიც პირდაპირ თუ ირიბად გავლენას ახდენს ქართულ-აფხაზური და ქართულ-ოსური კონფლიქტების ტრანსფორმაციის პროცესზე, მათ შორის, გახლეჩილ საზოგადოებებს შორის მიმდინარე გაუცხოება, რუსეთის როლი, რეგიონალურ პოლიტიკაში ევროკავშირის ჩართულობის ზრდის მნიშვნელობა, ეკონომიკური გამოწვევები, შეცვლილი უსაფრთხოების გარემო და ახლადშექმნილი რისკები და შესაძლებლობები საქართველოს ეროვნული ინტერესების ჭრილში.