21 ივნისს 2016, 12:00-14:15 საათზე სახელმწიფო კანცელარიაში ლევან მიქელაძის სახელობის ფონდმა გამართა სტრატეგიული კომუნიკაციის სამუშაო ჯგუფის მეორე შეხვედრა თემაზე როგორ ვებრძოლოთ მტრულ პროპაგანდას“. ღონისძიების თანათავმჯდომარეები იყვნენ ქალბატონი მარიამ რაქვიაშვილი, საქართველოს სახელმწიფო მინისტრის მოადგილე ევროპულ და ევროატლანტიკურ სტრუქტურებში ინტეგრაციის საკითხებში და ქალბატონი ლიკა შავგულიძე, ვებ პორტალის „ევროპა საქართველოსთვის“ დამფუძნებელი და მთავარი რედაქტორი. შეხვედრა იმართება პროექტის “ევროკავშირის ეროვნული კონვენცია საქართველოზე” ფარგლებში.
აღნიშნულ ღონისძიებაში მონაწილეობა მიიღეს სამთავრობო და არასამთავრობო ორგანიზაციებმა, ასევე დიპლომატიური კორპუსის წარმომადგენლებმა. შეხვედრაზე განიხილეს ადგილობრივი ექსპერტის, ქალბატონი ელენე ალადაშვილის და სლოვაკი ექსპერტის, ბატონი რადოვან ბრანიკის მიერ შემუშავებული რეკომენდაციები.

30 მაისს ლევან მიქელაძის სახელობის ფონდმა პროექტის „ეროვნული კონვენცია ევროკავშირზე საქართველოში“ ფარგლებში გამართა პლენარული სხდომა, რომელსაც ესწრებოდა საქართველოში ოფიციალური ვიზიტით მყოფი სლოვაკეთის რესპუბლიკის პრეზიდენტი, ანდრეი კისკა. აღსანიშნავია ის ფაქტი, რომ ეს გახლდათ პირველი შემთხვევა, როდესაც საქართველოში სხვა ქვეყნის პრეზიდენტი დაესწრო და მისასალმებელი სიტყვა წარმოთქვა არასამთავრობო ორგანიზაციის მიერ ორგანიზებულ ღონისძიებაზე.

ხუთშაბათს, 19 მაისს, 2016, პროექტის „სამოქალაქო საზოგადოების შესაძლებლობების განვითარება ეთნიკური უმცირესობებით დასახლებულ რეგიონებში“ ფარგლებში, ლევან მიქელაძის სახელობის ფონდმა გამართა სასწავლო შეხვედრა ნინოწმინდისა და ახალქალაქის მუნიციპალიტეტებში. აღნიშნულ ღონისძიებებში, მუნიციპალიტეტების თანამშრომლების გარდა, მონაწილეობა მიიღეს ადგილობრივი მედიისა და არასამთავრობო ორგანიზაციების წარმომადგენლებმა. პროექტის მიზანია ცნობიერების ამაღლება ევროკავშირის მიმართულებით და ეთნიკური უმცირესობებით დასახლებული რეგიონების ინფორმირება საქართველო-ევროკავშირის ურთიერთობებზე.

სამშაბათს, 6 მაისს 2016, 11:00-14:00 საათზე საჯარო ბიბლიოთეკის საკონფერენციო დარბაზში ლევან მიქელაძის სახელობის ფონდმა გამართა სოფლის მეურნეობა და რეგიონალური განვითარების სამუშაო ჯგუფის შეხვედრა თემაზე „რეგიონალური განვითარების სტრატეგია“. ღონისძიების თანათავმჯდომარეები იყვნენ ბატონი ლაშა ინაური, საქართველოს სოფლის მეურნეობის სამინისტროს ევროინტეგრაციის დეპარტამენტის უფროსის მოადგილე და ბატონი ილია კვიტაიშვილი, სოფლის მეურნეობის პოლიტიკისა და განვითარების ინსტიტუტის დამფუძნებელი. შეხვედრა იმართება პროექტის “ევროკავშირის ეროვნული კონვენცია საქართველოზე” ფარგლებში.

პროექტის „სამოქალაქო საზოგადოების შესაძლებლობების განვითარება ეთნიკური უმცირესობებით დასახლებულ რეგიონებში“ ფარგლებში 22 აპრილს ლევან მიქელაძის სახელობის ფონდმა გამართა სასწავლო შეხვედრები დმანისის N1-სა და N3 საჯარო სკოლებში. შეხვედრები მიზნად ისახავდა ადგილობრივი სკოლების მასწავლებლებისა და დამამთავრაბელი კლასის მოსწავლეების ცნობიერების ამაღლებას ევროკავშირის, ასოცირების ხელშეკრულებისა და ვიზალიბერალიზაციის საკითხებზე. მოსწავლეების მხრიდან თითოეულ დასმულ შეკითხვას გაეცა ამომწურავი პასუხი, შედგა საინტერესო დისკუსია. 

1 აპრილს ლევან მიქელაძის სახელობის ფონდმა საქართველოს რეფორმების ასოციაციასთან თანამშრომლობით გამართა ენერგეტიკისა და გარემოს დაცვის სამუშაო ჯგუფის პირველი შეხვედრა თემაზე "ელექტროენერგიის მიწოდების საიმედოობის წესები (Electricity Supply Reliability
Rules)". შეხვედრა ჩატარდა საქართველოს პარლამენტის ეროვნულ ბიბლიოთეკაში.

აღნიშნულ შეხვედრას ესწრებოდნენ სამთავრობო და არასამთავრობო სექტორებიდან. შეხვედრის თანათავმჯდომარეები იყვნენ ბატონი გიორგი შენგელია, საქართველოს ენერგეტიკისა და წყალმომარაგების მარეგულირებელი ეროვნული კომისიის საერთაშორისო ურთიერთობების დეპარტამენტის დირექტორის მოადგილე და ბატონი გიორგი ვაშაყმაძე ტრანს-კასპიური გაზსადენის განმახორციელებელი კომპანიის დირექტორი. შეხვედრაზე შეხვედრაზე განიხილეს ქართველი ექსპერტის, ქალბატონი ნინო მაღრაძისა და სლოვაკი ექსპერტის ბატონი პიტერ მარჩანის მიერ მომზადებული რეკომენდაციები.

სამშაბათს, 29 მარტს, 2016, 13:00 საათზე მარნეულის მუნიციპალიტეტის შენობაში, ლევან მიქელაძის სახელობის ფონდმა გამართა რიგით მეორე სასწავლო შეხვედრა ევროკავშირისა და საქართველოს თემაზე. 
შეხვედრა გაიმართა პროექტის „სამოქალაქო საზოგადოების შესაძლებლობების განვითარება ეთნიკური უმცირესობებით დასახლებულ რეგიონებში“ ფარგლებში. პროექტი ითვალისწინებს ცნობიერების ამაღლებას ევროკავშირსა და საქართველოს შორის თანამშრომლობასა და ურთიერთობების გაღრმავებას და ამ საკითხებზე სამოქალაქო საზოგადოების ინფორმირებას. 

სამშაბათს, 22 მარტს, 2016, 11:00-14:00 საათზე საქართველოს პარლამენტის ეროვნული ბიბლიოთეკის საკონფერენციო დარბაზში ლევან მიქელაძის სახელობის ფონდმა გამართა სოფლის მეურნეობა და რეგიონალური განვითარების სამუშაო ჯგუფის შეხვედრა თემაზე “მცირე ფერმერები და მცირე ფერმერული კოოპერატივები”. ღონისძიების თანათავმჯდომარეები იყვნენ ბატონი ლაშა ინაური, საქართველოს სოფლის მეურნეობის სამინისტროს ევროინტეგრაციის დეპარტამენტის უფროსის მოადგილე და ბატონი ილია კვიტაიშვილი, სოფლის მეურნეობის პოლიტიკისა და განვითარების ინსტიტუტის დამფუძნებელი. შეხვედრა გაიმართა პროექტის “ევროკავშირის ეროვნული კონვენცია საქართველოზე” ფარგლებში.

აღნიშნულ ღონისძიებაში მონაწილეობა მიიღეს სამთავრობო და არასამთავრობო ორგანიზაციებმა, ასევე დიპლომატიური კორპუსის წარმომადგენლებმა. შეხვედრაზე განხილულ იქნა ქართველი და უცხოელი ექსპერტების რეკომენდაციები.

 

პარასკევს, 11 მარტს, 2016, პროექტის „სამოქალაქო საზოგადოების შესაძლებლობების განვითარება ეთნიკური უმცირესობებით დასახლებულ რეგიონებში“ ფარგლებში, ლევან მიქელაძის სახელობის ფონდმა გამართა რიგით პირველი სასწავლო შეხვედრა მარნეულში. 
პროექტი ითვალისწინებს ცნობიერების ამაღლებას ევროკავშირსა და საქართველოს შორის თანამშრომლობასა და ურთიერთობების გაღრმავებას და ამ საკითხებზე სამოქალაქო საზოგადოების ინფორმირებას.
აღნიშნულ ღონისძიებაში მონაწილეობა მიიღეს ადგილობრივ არასამთავრობო ორგანიზაციებმა, მედიის და მუნიციპალიტეტის წარმომადგენლებმა. 
შეხვედრას უძღვებოდნენ საქართველოს საგარეო საქმეთა სამინისტროს წარმომადგენელი - ეკატერინე ხოსიტაშვილი, საინფორმაციო ცენტრის ნატოსა და ევროკავშირის შესახებ კოორდინატორი ქვემო ქართლის რეგიონში - მარიამ ლიპარტელიანი და საინფორმაციო ვებ პორტალის “ევროპა საქართველოსთვის” წარმომადგენელი მაიკო გაბულდანი.
საინტერესო დისკუსია შედგა ვიზა ლიბერალიზაციისა და ‘ღრმა და ყოვლისცმომცველი თავისუფალი სავაჭრო სივრცის შესახებ შეთანხმება (DCFTA)’-ის შესახებ. შეხვედრა ასევე შეეხო ასოცირების ხელშეკრულების მითებსა და რეალობის თემებს. 
პროექტი ხორციელდება ფონდ „ღია საზოგადოება საქართველოს“-თან თანამშრომლობითა და ფინანსური ხელშეწყობით. 

ოთხშაბათს, 2 მარტს, 2016, 11:00-14:30 საათზე კანცელარიის შენობაში, 
ლევან მიქელაძის სახელობის ფონდმა გამართა სამუშაო ჯგუფის რიგით პირველი შეხვედრა თემაზე “დიალოგი სტრატეგიულ კომუნიკაციაზე”. ღონისძიება გახსნა ევროპულ და ევროატლანტიკურ სტურქუტრებში ინტეგრაციის საკითხებში სახელმწიფო მინისტრის მოადგილე, პაპუნა შენგელაიამ, თანათავმჯდომარეები იყვნენ სტრატეგიული კომუნიკაციის დეპარტამენტის უფროსის მოადგილის მოვალეობის შემსრულებელი, ქალბატონი ვეკა მოდებაძე და ქალბატონი ლიკა ბასილაია-შავგულიძე, საინფორმაციო პორტალის - "ევროპა საქართველოსთვის" - მთავარი რედაქტორი, კვლევითი ჟურნალისტიკისა და ადვოკატირების ცენტრის დამფუძნებელი. შეხვედრა იმართება პროექტის “ევროკავშირის ეროვნული კონვენცია საქართველოზე” ფარგლებში.